Bo no por kita por completo bo baby su dolor ora e saca djente, pero hopi mama a sa di duna nan criatura alivio door di usa e proximo metodonan, tur ta getest door di mayor tur caminda y ta proba efectivo den duna algun alivio.
Laga e baby kauw
Un baby cu ta sacando djente ta disfruta un mundo por morde riba cos, y cu hopi bon razon: Ora nan morde e ta crea un presion contrario cu ta alivia e presion cu e djente cu ta na caminda ta haci riba e carn’i djente.
Por usa:
- Cos di hunga cu ribs di rubber, manera e rinchi pa ora di saca djente (teething rings) of e maraka di hunga di rubber tambe ta yuda hopi.
- Frieuw ta alivia mas ainda, dus ofrece bo baby un washandje muha cu bo a pone den freezer.
- Dune algo frieuw pa snack riba dje manera pida fruta gevries (banana of plum). Alung mayor y mi wela ta bisa dun’e baby boli, awor si bo no kier p’e hanja sucu y cos procesa semper bo por traha boli na cas cu ingrediente saludabel y baho den sucu.
Paga tino ora bo duna un snack frieuw:
- No laga e baby kauw riba dje si e no ta sinta
- No laga e baby su so ta kauw riba fruta gevries
- Usa un feeder mesh bag pa preveni cu pida chikito causa e baby choka of pasa robes
- Corta e fruta na pida bloki grandi cu e no por pone den su boca
Massage su carn’i djente
Massage cu bo dede riba bo baby su carn’i djente, esaki ta duna alivio na e mes un manera cu morde y kauw. Na prome bo baby porta lo keha pasobra e ta haci un tiki dolor, pero despues e lo sin
ti alivio ora bo sigui.
Dune cos di bebe frieuw
Duna bo baby un botter di awa frieuw, esaki ta pa baby di 6 luna of mas grandi, si e ta nenga di chupa na tetero, dun’e awa frieuw sin ijs den un copi.
Dune cos di come frieuw
Yogurt, jello, fruta licua of appelmoes frieuw tambe ta alivia e baby su mal estar. Tambe baby lo ta mas willing di come ora bo dune algo frieuw.
Si nada cu bo haci duna bo baby alivio, papia cu bo docter pa bo hanja acetaminophen pa baby of busca teething gels cu tin ingrediente cu ta kita dolor.
