Babywearing ta e practica di carga of wanta bo baby na bo curpa cu un sling of cualkier otro forma di cargado di baby. Aunke babywearing ta drentando como un trend nobo mundialmente e no ta un practica nobo, hopi poblacion indigena na Africa y Sur America ta haci uzo di babywearing pa hopi generacion caba.
Ki tipo di cargado tin?
Tin diferente estilo di cargado, esaki ta esun nan mas popular:
• Ring Sling
• Pouch Sling
• Wrap
• Mei Tai
Babywearing ta safe?
Haci corectamente e por ta mas sigur cu carga baby den bo brasa. Un cargado no ta cansa y no por laga e baby los diripiente pa haya bek su balans.
Hopi biaha na Aruba ora nos sali cu un sling hende ta puntra si e ta bon pa e mucha su lomba, pia y crecemento. Depende di e tipo di cargado, e contesta ta “Sigur cu si!”. Tanten cu e cargado ta traha di tela suave, manera 100% catuna, y e tin suficiente espacio pa e baby of mucha fit den dje e ta promove un posicion ergonomico y natural pa e baby.
Uza bo cargado, sea un sling, Mei Tai of wrap, di e manera corecto y no haci actividad riesgoso cune. Siña tocante bo cargado y use correctamente.
Nunca sinta den auto cu e baby den e sling, subi den boto, para dilanti stoof of bula den trampolin. Si e ta algo cu bo no lo considera safe pa haci cu e baby den bo brasa, no hacie cune den sling.
Otro siman nos lo kier comparti e lista di beneficio di babywearing, keda pendiente!
Pa mas informacion email info@arawakmums.com of bishita www.facebook.com/wearyourbaby.
Con abo ta gusta carga bo baby?
